پاڪستان براڊ ڪاسٽنگ ڪارپوريشن
پاڪستان براڊ ڪاسٽنگ ڪارپوريشن: پاڪستان ۾ نشريات جو آغاز پاڪستان ٺهڻ واري ڏينهن يعني 14 آگسٽ 1947ع کان ٿيو. سڀ کان پهرين ريڊيو اسٽيشنون ڍاڪا، لاهور ۽ پشاور ۾ قائم ڪيون ويون. 1948ع ڌاري ملتان اسٽيشن قائم ٿي، 1956ع ۾ ڪوئٽا ريڊيو اسٽيشن قائم ڪئي وئي. 1970ع ڌاري ملتان اسٽيشن قائم ڪئي وئي ۽ اسلام آباد ٽريننگ مرڪز کوليو ويو، جڏهن ته ريڊيي جي بين الاقوامي نشريات 21 اپريل 1973ع کان شروع ٿي، پوءِ 1974ع ۾ خيرپور اسٽيشن ۽ 1975ع ۾ بهاولپور ريڊيو جو اضافو ڪيو ويو. پاڪستان براڊ ڪاسٽنگ هائوس 1977ع ڌاري منتقل ڪيو ويو، پوءِ ملڪ جي ڏورانهين علائقن ۾ ريڊيو اسٽيشنون قائم ڪيون ويون، جن ۾ گلگت (1977ع)، اسڪردو (1977ع)، تربت (1981ع)، ديرو اسماعيل خان، خضدار سميت فيصل آباد ۾ پڻ نشرياتي ٽرانسميٽر لڳايا ويا، بعد ۾ 1990ع کان پوءِ سبي، ايبٽ آباد، چترال، لورالائي ۽ زوب ۾ نشرياتي سهولتون مهيا ڪيون ويون. هن وقت بلوچستان ۾ 7، سنڌ ۾ 5، پنجاب ۾ 7، خيبر پختونخوا ۾ 6، اترين علائقن ۾ 2، آزاد ڄمون ڪشمير ۾ 3 ۽ وفاق ۾ هڪ ريڊيو اسٽيشن نشريات ڪري رهي آهي. آڪٽوبر 1998ع ۾ ريڊيو پاڪستان طرفان ايف ايم ٽرانسميشن جو آغاز ڪيو ويو. هن وقت گوادر، ميانوالي، سرگوا، ڪوهاٽ، ٻنون، دادو، حيدرآباد ۽ مٺي (ٿرپارڪر) ۾ پڻ ايف ايم ريڊيو جي نشريات هلي رهي آهي. جڏهن ته پاڪستان جي وڏن شهرن ۽ نيشنل هاءِ وي تي پرائيويٽ ايف. ايم چئنل پڻ نشريات ڪري رهيا آهن. پي. بي. سي جي مختلف ريڊيو اسٽيشنن تان 31 ٻولين ۾ لڳ ڀڳ 149 نيوز بليٽن روزانو نشر ٿين ٿا.
لفظ پاڪستان براڊ ڪاسٽنگ ڪارپوريشنھيٺين داخلائن ۾ پڻ استعمال ٿيل آھي
ادارا ۽ تنظيمون - ڀاڱي جون ٻِيون داخلائون
پاڪستان هاڪي فيڊريشنپاڪستان سرڪار جو اشاعتي کاتو
زرعي ڪاليج ڊرئميٽڪ سوسائٽي ٽنڊو ڄام
سنڌي سڌار سوسائٽي لاڙڪاڻو
ٽئڪسي ڊرائيورز يونين
ڇٻلاڻي ميڊيڪل سينٽر سکر
زرعي ترقياتي ڪارپوريشن
شهيد بينظير ڀٽو ميوزيم اينڊ آرٽ گئلري
جمعيت اهل حديث
پاڪستان انجمن هلال احمر